Benvidos a nova web do Colexio Luis Vives de Pontedeume. Calquera suxestión será ben recibida. Se tes calquera pregunta non dubides en contactar connosco.
O Colexio Concertado Luís Vives Sociedade Cooperativa Limitada é de titularidade privada, dependente da Consellería de Educación e Ordenación Universitaria.
Está situado na comarca do Eume, no Concello de Pontedeume, provincia de A Coruña.
Somos un colexio privado concertado, aconfesional e respectuoso con todas as crenzas, manifestándose tamén libre de calquera tendencia ideolóxica ou política.
A súa historia remóntase á década dos cincuenta, cando xorde como centro privado da man de D. Robustiano de Castro Carballeira, converténdose nun referente na educación e formación da xuventude da bisbarra e mesmo de Galicia.
Entendemos que os alumnos/as deben estar abertos á situación de cambio que experimenta a sociedade, educándoos na xustiza, solidariedade, tolerancia , respeto e liberdade.
